本人中女一名，有小朋友、同前夫感情唔好所以心死了而離婚。。。 約半年前工作關係識左呢個內外條件都好好嘅男人。第一眼見到對方大家都互相吸引，馬上約左同一星期嘅weekend 見面。 就由果日開始，持續左半年、每星期見面同每日都有傾計；不過佢本身係一個好忙嘅人有時傾計都幾不爽的；即係佢得閒時會秒回但有時會忙左大半日先回覆。。。 其實第二次見面時佢已對我表白左，佢話好鍾意我…但因為我離婚不久所以佢心裡面有點唔舒服；我當時問佢係咪即係唔好再聯絡？ 佢話唔係，反而係想大家繼續了解認識對方…而且當時識左佢先係一個月到；大家都未了解對方。 所以佢想同時想等我情感/心理/生活上都正式ready 好先同我一齊；佢話佢會想等我一年，而呢一年大家都慢慢了解認識對方好似朋友咁先。。。 就係咁大家一直保持每星期見面，每日傾下計； 大家對話唔算好多曖昧，對方係一個好成熟嘅紳士；所以言行比我想像中更傳統更守規矩。 言談間佢有時都會口花讚下你同鼓勵下你工作上嘅說話。 同時都做啲好窩心嘅動作，例如： 會買啲健康零食小禮物比你，又會記得你提過鍾意食咩而每星期都會揀啲有情調的地方食個飯叫定揀定你鍾意嘅嘢食同你食番兩個鐘傾個計；但多一點的動作如拖手/錫都無）。 重點來了，其實傾左大半年；我真係唔知佢仲係咪等緊我。 雖然每日有傾計（大多數時候都係佢主動）， 但好似無咩進展，好擔心佢傾傾下放左我落friend zone… 近呢兩星期都知佢忙所以傾得無咁密都有啲唔開心，但重點係他又不是我男友，有咩資格唔開心？ 有人話佢呢個年紀，要考慮好多野都正常； 但唔知關唔關星座事，佢係典型摩竭座而我係天蠍座…現在對住佢真係無重入手。 想表白問清楚究竟大家係keep住做朋友定會有機會發展？又好擔心一問左之後嚇走佢連朋友都無得做，呢種患得患失嘅曖昧真係好攞命！ 大家覺得應該點做？攤開黎講定繼續估估下？